Veb hostinq sənayesi xüsusilə bu sahəyə, terminlərə yad olan şəxslər üçün olduqca mürəkkəb görünür.
Ən əsas veb hostinq terminlərindən biri "veb server"dir. Veb serverlər veb hostinqin mərkəzi nöqtəsidir. Daha dəqiq desək, hostinq saytınızı istifadə etməniz üçün veb serverləri uzaqdan icarələyən bir xidmətdir.
Əgər veb serverin nə olduğunu və vacibliyini anlamaqda çətinlik çəkirsinizsə, yazımızı oxumağa davam edin!
Veb serverin əsas məqsədi
Bir veb serverin əsas məqsədi saytın fayllarını saxlamaq və onları saytınızı ziyarət edənlərin görə bilməsi üçün internet üzərindən yayımlamaqdır. Veb serverə internet vasitəsilə məlumatları saxlayan və ötürən güclü bir kompüter kimi də baxa bilərik.
İnsanlar səhifənizi ziyarət etdikdə brauzer serverinizlə əlaqə yaradır, nəticədə ziyarətçinin kompüter ekranında görünənləri müəyyən edən məlumatları göndərir və qəbul edir. Veb server Hypertext Transfer Protocol (HTTP) istifadə edərək brauzerlə əlaqə qurur. Veb səhifələrin bir çoxunun məzmunu Hypertext Markup Language (HTML) ilə kodlanır.
Beləliklə, veb serverin əsas məqsədi ziyarətçinin brauzerinin tələbi ilə vebsayt məlumatlarını saxlamaq və ötürməkdir.
Veb serverlər necə işləyir?
İnternetə bağlı olan hər veb serverə və kompüterə şəbəkədəki cihazı təyin edən bir IP ünvanı təyin edilir. Hətta standart kompüterlərə belə internetə qoşulduqda xüsusui IP ünvanları təyin olunur. İstənilən bir sayta daxil olduğunuzda IP ünvanınızdan veb serverin IP ünvanına bir istək göndərilir. Daha sonra veb server tələb edən IP adresinə məlumat göndərərək cavab verir. Bu, bütün məlumatların bir vebsaytından kompüterinizə ötürülmə prosesidir. İnternetdəki vebsaytların 90% -dən çoxu hazırda hostinq şirkəti tərəfindən təmin edilən bir icarə veb serverindən istifadə edir. Veb serverin xüsusiyyətləri hostinq planının növü, ölçüsü və provayderindən asılı olaraq fərqlənir.
Veb serverlər niyə lazımlıdır?
Veb serverlər internetin çalışması üçün ayrılmaz hissələrdən biridir. Hostinq sənayesi veb serverləri icarələmək üçün istifadə edilir, sahibkarlara və fiziki şəxslərə bütün dünyaya genişlənməyi mümkün edən yüksək texnologiyalı serverlərdən istifadə imkanı verir.
Məşhur veb serverlər
Apache, Microsoft IIS, Nginx Web Server, LightSpeed Web Server kimi bir çox veb serverlər mövcuddur. Onlardan daha məşhuru isə ikisidir:
Apache HTTP Server: Mövcud olan ən məşhur veb serverdir və geniş şəkildə istifadə olunur. Apache Software Foundation tərəfindən hazırlanmışdır. Proqram Apache Lisenziyası əsasında hazırlanmışdır ki, bu da pulsuz və açıq mənbə edir. Windows, Mac OS X, Unix, Linux, Solaris, Novell Netware və FreeBSD əməliyyat sistemləri üçün uyğundur.
Microsoft Internet Information Service: Microsoft IIS (İnternet İnformasiya Xidməti) ikinci ən çox istifadə edilən veb servedir. Bazardakı payının hər keçən gün daha da artması ilə Apache –ni üstələcəyi güman edilir.
IIS server Apache kimi bütün xüsusiyyətlərə malikdir, lakin açıq mənbə deyil. Microsoft tərəfindən inkişaf etdirilir, beləliklə, bütün Windows əməliyyat sistemi platformaları ilə işləyir.